Raltlan Nauhak Kum (1) Mi Tiva Ah A Tla That

Rakhine State, Mrauk-U raltlan camp ih um nunau nauhak kumkhat le hrek mi cu May 20, 2022 zinglam nazi 7:00 hrawngah tiva ah a tla that.

A hmin cu Ma Waso Moe a si, raltlan camp kiangah tiva aum. Cutawk ah nauhak dang pahnih thawn an va feh ih an leknak ah cansualnak a tong.

Ṭuanvo neitu in, “Nauhak pathum an si ih tiva kap ah an lek. A pa cu hmun dangah hnaṭuan in aum, a nu cu tidai a khai lai an ti. An lek rero laiah tiva ah a tla, a lekpi nauhak pahnih in upa pawl an va sim thei, upa pawl an va thlen tikah cun arak thi zo” a ti.

Vanduainak tong nauhak Ma Waso Moe cu U Maung Than le Daw Ma Phyu Chay ih fanu a si ih Kyauktaw Township, Letpan khuami an si. An khua kiangkap doawknak ruangah raltlan in an um, an umnak raltlan camp ah raltlan mi 2,862 an um.

Be the first to comment

Leave a Reply

Your email address will not be published.


*