Raltlan Naupai Lai A Thi

Myanmar ramsung buainak ah mi tampi cu sahimnak hawlin ramlakah an um, ruahsur hnuaiah an khuasa ih mikeu, fikfa le cangvat lakah hringnun an hmang rero lai. Rul cuk le khawmual kaikuang hen tuar khal tampi an um.

Kayah State, Demoso ramsung ih raltlan naupai lai cu damlonak ruangah a thi. Kum 39 mi naupai lai in a pasal le a fapa kum 13 mi le kum 6 mi a thihsan, a naupai cu thla 9-nak a si ih nau a nei zikte nan a pum sungih um naute thawn an thitlang.

A ruak cu October 11, 2021 zinglam ah an vuiliam, ramsung a buai hlan ahcun Demoso siizung ah an rak piahaw ṭheu. Asinan an khuasung ah an doaw ciamco ruangah ramlakah an tlan ih an piahaw thei nawn lo. Tuiṭum Myanmar ramsung buainak ah veihnih rori raltlan in arak um zo, ramlakah a khuasik ih a dam lo ṭheu.

Naupai lai ti fawn cu ei le in ṭha an ṭul ih duh vekin ei le in a ei thei lo ruangah a hardamnak khal a siatsuah. A pasal ih farnu in “Ahmaisa ih an tlan lai ihsin nau a pai zo, tuiṭum khalah an tlansal ih tupi sung ramlakah an um.

Naupai a si vekin a cau ih a damlo phahphah, aumnak ding an hawlsak ih khuapawn ih innruak pakhat ah an umter. Ni 2/3 hnuah in phone ih a pum natuk thu in sim, kan va zoh ih arak na tuk ruangah damlo motor hnenah zangfah kan dil ih Loikaw sikhan ah an phur. Cumi hnu reilote ah in phone ih a cang thei nawn lo ti in sim” a ti.

Be the first to comment

Leave a Reply

Your email address will not be published.


*