Raltlan Pawl Ei Le In Ding An Va Pek Hnuah Accident An Tong Ih A Thi

Raltlan pawl hnenah ei le in ding an va pe ih an tlung lamah accident an tong ruangah Free Burma Ranger-Karenni ih mibawmtu pakhat cu a thi.

Mithi cu mizan October 13 ah an vuiliam ih hliamtuar pakhat khal siizung ah an tuamhlawm rero lai. Thuhla theitu pakhat in “October 11 sun ih thilthleng a si. Mithi cu mizan ah kan vuiliam zo, raltlan pawl hnenah ei le in ding an va pe ih an tlung lamah cansualnak an tong.

Motor parah minung 8 an to ih pakhat cu hliamhma a tuar, midang cu an him thluh” a ti. Mual liamtu cu kum 36 mi U Sii Ye a si, a nupi le a fate 2 a fehsan” a ti.

Demosa ramsung doawknak ruangih raltlan pawl cu Free Burma Ranger-Karenni pawlin an rak bawm ṭheu. Umnak ding le ei le in ding pawl an pe, cun an harhdamnak khal an zohsak ṭheu. Doawknak tualrawn ih tang khuasung mipi pawl cu hmunhimnak ah an thiarsuak ṭheu.

1997 kum ah US Army Special Forces hlun Dave Eubank in Free Burma Ranger pawlkom hi arak din, Myanmar ramsung lawng siloin Iraq, Syria le Kazakhstan ram pawl ah an um ih doawknak ruangih miharsa pawl an rak bawm ṭheu.

Be the first to comment

Leave a Reply

Your email address will not be published.


*