Raltlan Pawl Hrang Ei Le In Latu Mino 2 Le Raltlan Pawl Bawm Tumtu Mino 1 An Rak That

Karen ralkap le thuneihnak latu ralkap pawl an doaw rero lai ih khuasung mipi pawl cu ramlak ah an tlan, Karen PDF pawl khalin ralkap pawl an do ve thlang. Ralkap pawlin an neh thei lo ruangah khausung mipi pawl parah an cangvai.

Ramlak ih um raltlan pawl cu ei le in an harsa ih bawm an ṭul zet. May 27 zinglam ah Demawso Township, Ngopalaw khua kiangih um raltlan pawl hrang ei le in ding va latu mino 2 cu ralkap pawlin an rak kap that.

Thusutnak khal an nei lo ih an hmuh veten an kap hngal ih a hmun ah an thi, an hmin cu Alfred Ludu le Patrick Boyle a si.

Kum 20 mi All Lo Sein (​အော်လိုစိန်း) le Karen mipi kilhimtu pawl khal Demawso ramsung ih um raltlan pawl bawm dingin an va feh ih lamlak ah ralkap pawlin an rak bawh ih an kap that. All Lo Sein cu Free Burma Ranger (Karenni) member a si, an lakih tel mipi kilhimtu mino 3 khal hliam an tuar.

Be the first to comment

Leave a Reply

Your email address will not be published.


*