Raltlan Pawl Umnak Ah Bomb An Kap Ih Nauhak Kum 13 Mi A Thi

July 31, 2022 zanlam nazi 5:00 hrawngah ralhrang pawlin Kayah State, Demoso khua kiangih um raltlan sakhan ah bomb an kap ih raltlan nunau nauhak kum 13 mi cu a hmun ah a thi cih.

Hliamtuar 5 an um ih pakhat cu a dinhmun a áš­ha lo zet, midang 4 cu seherh um dinhmun an si lo ih siizung ah an tuamhlawm rero lai. Khuasung ah bomb vei 5 an kap ih raltlan umnak hmun ah vei 5 an kap, raltlan pawl cu sahimnak hawlin hmun dangah an tlansal.

Himi sun ah doawknak zianghman aum lo nan ralhrang pawlin an kap hrim. Raltlan camp ih um pakhat in, “Zanlam nazi 5:00 hrawngah ralhrang pawlin an kap, raltlan pawl umnak hmun ah bomb a tla puak ih kum 13 mi a thi. A innsang pawl khal hliamhma an tuar” a ti.

Ralhrang in ramsung thuneihnak an lak hnuah Kayah ramsung ah doawknak nasa zet a thleng. An inn le lo khal an siatsuat sak ih an urkang. Ralhrang kutsung ih thi khuasung mi 241 an um ih raltlannak hmun ih thi 33 an um zo’ tin PKPF sungah an ngankhum.

Be the first to comment

Leave a Reply

Your email address will not be published.


*