Ram Hrangah A Nunnak A Hlan, A Thih Hlanih A Anka…

Tlangval Ye Lwin Nyein cu mipi kilhimtu Kyaukse District Defense Force (KDDF) a si ih doawknak tualrawn ah a nunnak a liam. Kyaukse District Defense Force – KDDF pawl khalin tuarpinak thu an tarlang ih a hrangah phuba kan la ding an ti.

A facebook khal mual liam zo ti theihternak ah Memorialised Accounts tin an tarlang ih a hring nawn lo ding. A thih hlanah “Ka rak hring nawn lo asilen in mang ringring uh, kan rak ṭil pang asikhallen mipi hrangah tleu zetin kan ṭil ding ti ka zum.

Ṭhennak biathu ka rak lo hlan man lo asikhallen ṭap hlah uh, ziangtik lai caan khalah thi thei ringring kan si. Ka biak ringring mi facebook Active now account cu thaisun ah Remembering account ah a cang thei. Kei khal RIP tin thla an camsakmi ka si thei thotho.

Thihnak hi a zam a rang tuk ruangah nan kiangkap ih um pawl hi ṭhaten pehtlaih cio uh. Lungawithu nan sim duhmi khal sim lohli uh, hmunhla ih ummi pawl hnenah nan sim duhmi pawl cu muang cang loin sim lohli uh.

Hmunhla ih um nan unau, nan sungkhat, nan rualpi hrangah nan caanṭha pe thiam uh. Thaisun thuhla hi kan thei lo, thaisun hi kan ta a si lo. Nan zaten fimkhur zetin tlangleng uh” tin a facebook cahmai ah arak tarlang.

Be the first to comment

Leave a Reply

Your email address will not be published.


*