Ram Hrangih Nunnak Hlantu Salai Cungte Ih Thucah

Tlangval kum 28 mi Salai Cung Nawl Piang cu ram le miphun hrangah tin CNDF/CNO ah a lut ih thuneihnak latu ralkap pawl thawn an doawknak ah a nunnak a liam. Cicin Bawithang ih tarlang mi “A poi tuk aw Cungte. ‘Nu Cin, Ram hrangih kan nunnak a cem a si khallen hi tin ca run ngan aw. “Ram Duddawttu Miralṭha Cungte Cu A Ram Hrangah A Nun A Hlan Ti in”.

Cungte ram hrangih thinlung pacang zet leh ralthatnak ih thuam na si ruangah, feh lo dingih kham theih na si lo. Kan tawnawk neta bik ah khan, na Nu thaw khalin na feh kan lo sian lo thu kan lo sim rero nan, ram duhdawtnak thinlung na rak nei hnget em a si hi ti aw..

Ram hrangih pacangtha ngaingai na si zia kan rak lo theihthiampilo, na Nu thawn in ngaithiam aw. NA THUCAH NETABIK HI Ram hrangih ka nunnak a cem a silen , Miraltha Cungte cu a Ram hrangah a nun a hlan tiah ca run ngan aw.. Nang cu cangan theu na si kha ” tiah i cah ta a si kha.

I cah ta vekin ca ka run ngan hokhaw, ka mawhphurhnak ka hlen hokhaw maw. Miralthapa Cungte. Asinan na nui hnenih na thucah na hlenlopi Cungte “Ka Nu i ruat har aw hlah, nehnak kan co asilen Ka ra tlung mai ding. Ka Ar khal rak that hrih hlah uh maw “na ti si lo sawm “..

Na nui thin zun tu ding men maw na tongkam hi. Na Nu hi a na tuk hokhaw Cungte. Nu Cin, ti in hni sengsi ten voikhat tal i ra leng sal aw, i ngaina zettu le ka ngainat zetmi Cungte. Mangtha le…

Be the first to comment

Leave a Reply

Your email address will not be published.


*