Ramdai Ah Riakmaw Va Bangin Mual A Liam

Myanmar ramsung buainak ah mino ṭhaṭha pawl mual an liam rero, atir ah lamzawh duhphorhnak in an cangvai lawk nan san aum lo ruangah meithal kengin thuneihnak latu ralkap pawl an do.

Cumi lakah Bago fala Mah Suh Hlaing Tun khal a telve, Bago University Student’s Union ih an rinsanmi hruaitu pakhat a si. Ramlakah meithal kengin ralkap pawl donak ah a tel ṭheu. Riakmaw va bangin riahnak nei loin ruahsur hnuaiah, cangvat, fikfa lakah a riak ṭheu.

Curuangah dai a ngah ih cuap lam damlonak anei. Cutin ramlakah an tuamhlawm rero nan September 28, 2021 zinglam nazi 4:00 ah a hnukcat.

Bago Tlawngta Pawlkom in “Miralṭha Mah Suh Hlaing Tun cu doawknak tualrawn hmun pakhat ah 28, 9, 2021 zinglam nazi 4:00 ah cuap damlonak in mual in liamsan. Ṭhaten an vuiliam zo thu a innsang pawlin in sim thei.

Bago ramsung ih kan rinsan mi Arsi pakhat a ṭil cu poi kan ti tuk. Mah Suh Hlaing Tun in a nunnak cu ram le miphun hrangah a hlan tin upatnak kan pe, Mah Suh Hlaing Tun na ṭuanvo na hlensuak zo ruangah hnangamten cawl hahdam thlang aw” tin an tarlang.

Be the first to comment

Leave a Reply

Your email address will not be published.


*