Ramdang Ah Harsa Zetin Hna Ava Ṭuan Ih Inn Lamah Sumpai A Kuat Ṭheu, Sumpai A Kuat Thei Nawn Lo Hnuah >>>

Vietnam fala pakhat cu ramdang ah um in hna a ṭuan. Harsa zetin hna a ṭuan ih a ngahmi sumpai zaten inn lamah a kuat ṭheu. A naule pawl tlawngkainak khal a tumsak ih a thlahlawh zaten a kuat ringring.

Inn ih um a naule pawlin a harsatnak an rak theithiam lo ih duhtawk in sumpai an hmangliam. Hnipuan ṭhaṭha an lei ih college an kaihnak ah an rualpi pawl thawn nuam zetin caan an hmang. A nulepa khalin a harsatnak hi an ruatsak lo.

Kum le caan a herliam hnuah a hnaṭuannak cu a sinpi nawn lo ih ramdang ah a talbuai, rualpi inn ah ava um lawk ih a sinpi lo thu a nulepa hnenah a sim thei. College kailai a naunu khal hnaṭuan phahin tlawngkai dingin a fial.

Cumi hnu ihsin a nulepa, a innsang pawlin an pehtlaih duh nawn lo ih a riahsia tuk. Online parah a thilton riahsiat um zet cu a pholang. Kan dung khalah Dubai ram ih hnaṭuan pacang pakhat cu a nupi fanau hrangah sumpai a kuat ringring.

A nupi fanau a seherh tuk ruangah a ngahmi sumsaw zaten a kuat ṭheu, kum le caan a herliam hnuah an ram ah ava tlung ih thil riahsiat um zet a tong. A nupi in tlangval note arak kop ih a sumpai kuatmi cu an rak cen ṭheu ti a theisuak, khua ih ava tlun tikah cun a nupi le tlangval note cu an rak neiaw zo ruangah umnak ding a nei nawn lo. Lungkuai in khualak ah a vak rero.

Be the first to comment

Leave a Reply

Your email address will not be published.


*