Ramdang Ah Hnaṭuan In A Nupi Fanau Hnenah Sumpai A Kuat Ṭheu, Ava Tlun Tikah Cun >>>

Philippines, Cebu khua ih um pacang pakhat cu an khua ah hnaṭuannak ding thiṭha aum lo ruangah ramdang ah hnaṭuan in aum. Harsa zetin a hlawhsuah mi pawl cu inn lamah a kuat ringring, a nupi thawn fapa nauhakte an nei.

A nupi fanau ih an hngakawknak a si vekin taima zetin hna a ṭuan ṭheu, kum reipi sung hna a ṭuan hnuah Covid-19 thlisia a hrang ih a hnaṭuannak company khal an cawl lawk.

Curuangah an khua ah ava tlungsal nan a nupi in pasal dang arak neihsan zo ih umnak ding inn anei nawn lo. Harsa zet ih a hnaṭuanmi pawl cu a nupi le a tlangval in an rak cen ṭheu ti a theisuak ih a ningna tuk ruangah lamzin kap ah a ṭap rero.

Sungkhat unau pannak ding a neih lo ruangah Bulacan lamzin kap ah toin kutdawh ah a cang, Rosemarie Peñamora Tan timi nu in a hmu ih a thuhla a sutfiah hnuah “Trending Viral” facebook page ah an tarlang ih mipi pawlin an zangfak zet. Rosemarie zarah bawmnak a ngah vivo ding ti a zumum.

Be the first to comment

Leave a Reply

Your email address will not be published.


*