Ramlak Ah A Thataw, A Ruak Cu Ramsa Pawlin An Ei Darh Thluh

US, Florida khawpi ih um nupa tuakkhat cu Youtube sungih milar an si. Ramlak ah nuamcen dingin an va feh ih an pa lawng a tlung, innhnen pawlin a nupi thuhla an sut nan a sim duh lo.

Ni 10 hnuah a nupi ih innsang pawlin palik sakhan ah mihlo thubuai an va thehlut. Kum 23 mi Brian cu a nupi hlohnak thuhla ah palik pawlin an rinhlel, an hlan khalah an nupa karlak ah buainak an nei zo ih palik pawlin an cinfelsak.

A nupi hlo thuhla an buaipi rero laiah Brian cu ramlakah a tlanhlo ih a kapaw that, a taksa cu ramsa pawlin an ei darh thluh ruangah a ruhro pawl lawng an hmu, a ruhro khal hmun dangdang ah an um darh.

A nupi ih ruak khal tiva ah an hmu, cun Brian ih cabu te an hmu ih cabu sungah a nupi a that thu a ngankhum. A nupi a that hnuah amah le mah a kapaw that ti an thei.

Be the first to comment

Leave a Reply

Your email address will not be published.


*