Ramlak Ah PDF Mino Pakhat A Thi

Myanmar rampi zalennak ngah dingin mino ṭhaṭha pawlin an zuam rero lai, ramlak ah an um ih thuneihnak latu ralkap pawl an do.

Rawlei ding thitha khal an nei lo, ruahsur lakah an khuasa ih fikfa, mikeu le cangvat lakah hringnun an hmang rero lai. Mandalay tlangval Ko Aung Myint Myat cu University of Computer Science, Cyber ​​Knight Team ah an hruaitu a si.

Mino cathiam a si ih ralkap cozah a duh lo ruangah meithal kengin a do, doawknak khalah vei tampi a tel zo. Cutin, ramlak ih aum laiah mikeu in an keu tamtuk ruangah malaria (ငှက်ဖျားရောဂါ) in a damlo.

Ramlak ah an thei dandan in an tuamhlawm nan August 20 zinglam nazi 3:40 ah a natnak tuar nawn loin a thi. A ruang khal a innsang pawlin an tuamhlawm thei lo ih siang lo cingten an vuiliam. (Rest In Power Ko Aung Myint Myat)

Be the first to comment

Leave a Reply

Your email address will not be published.


*