Ramlak Ih Um Myanmar Ralkap Hnenah Thailand In Ei Le In Ding A Kuat

Tulai Thailand ram ih a cangvaihdan cu theihthiam a har zet, Myanmar ram a buai pekte ah raltlan pawl an cohlang ding thu an rak phuang zo.

į¹¬henkhat raltlan cu an cohlang ngai, asinan Karen raltlan tam zet cu an cohlang lo ih an tlungter sal. Cumi hnuah Karen ralkap pawl ih an nuaimi Myanmar ralkap hliamtuar pawl cu Thailand ralkap in an rak bawm ih an humhim.

Karen ralkap in Myanmar ralkap pawl ih ei le in phurnak lamzin pawl an ti siatsak thluh ruangah ei le in nei loin an talbuai ih Thailand cozah in ei le in ding arak kuat zo.

Tu khalah an kuatsal, May 24 in May 28 tiang Thailand cozah in ralkap pawl hnenah ei le in ding le thilri dangdang a kuat thu KNU in an phuang. Thailand ralkap pawl cu Lutha Township, Le Sae (Saw Hta) ram tiang fehin ralkap pawl hnenah ei le in dingin an pe.

Thailand ralkap tilawng tumpi 4 in vei-9 an feh ih HONDA boat pakhat in vei-8 rori thilri an thiar. May 29 sunah ralkap pawlin an thilri cu Tametha lamah an phurso ih lamzin ah KNDO ralkap thawn tongaw in an kapaw.

KNU thuphuangtu Saw Gay Nui in “Ralkap pawlin in do ih kan ram in laksak tum, kan doaw rero laiah Thailand in ei le in, thilri an kuat. Anmai hlawknak ding lawng an ruat, Myanmar mipi pawl cu ziangah in siar lo” a ti.

Be the first to comment

Leave a Reply

Your email address will not be published.


*