“Rampum Huap In Electric Tlangleng Le Motor Kan Hmang Cing Ding”

Myanmar rampi thuneihnak latu kum 65 mi ralbawi Min Aung Hlaing in duhthusam tamzet anei ve. Cumi lakah Electric tlangleng le motor, leihnuai lamzin thuhla cu catbang loin a rel ringring.

October 25, 2021 sun ah Nay Pyi Taw ah meeting an nei ih cutawk ah forlfialnak le thusimnak anei. Min Aung Hlaing in “Rampum huap feh theinak Electric tlangleng lamzin kan tuah ding, cutin rampum huap in Electric tlangleng kan hmang ding.

Cun khawpi pawl ah khuasung herkualtu Electric tlangleng khal kan tuah ding, khuasung ih an hmang mi motor khal Electric motor a si ding. Public Transportation hi thazang kan pek a ṭul tuk, Electric tlangleng le motor tampi kan hmang vivo ding.

Curuangah sumpai sung rori in Electric tlangleng lamzin ka tuahter, ziangthluk ka cem tam ding asikhallen kan tuah thotho ding. Sumdawngnak mit ihsin zoh ahcun zianghman hlawknak aum lo, asinan ram le mipi hrangah hlawknak aum. Ziangtik ah kan sersuak ding ti cu kan rung phuang cing ding” a ti.

Be the first to comment

Leave a Reply

Your email address will not be published.


*