Ramsung A Buai Ruangah Ramdang Feh Tum An Tam, Culai Ah Mibum Ding Hawl Puaisa Deu An Pung

Myanmar ramsung a buai ruangah mino tam zet cu ramdang ah hnaṭuan ding hawlin an vakvai. Cutik laiah mibum ding hawlin puaisa deu/lem khal an pung ciamco ruangah ralring a ṭul zet.

Kawlram mi 2 khal Thailand ramsung ah hnaṭuan ding an hawl ih puaisa deu pakhat in arak bum, mi pakhat ah 2,500 baht a dil ih pahnih ah 5,000 baht a dil. Sumpai an pek thluh hnuah an pehtlaih thei nawn lo ih an mangbang in an anhai zet.

Thailand ramsung ih Kawlram mi pawl bawmtu pakhat in, “Tulai hi fimkhur cio uh, puaisa deu an tamtuk. Facebook ah rinum zetin zuk an tar ruangah zum hlah uh, mibum hmang pawlin midang zuk an ru ih an tarsawng ṭheu.

Ramdang nan feh hlan, hnaṭuan ding nan hawl hlanah nan biakmi puaisa thuhla hi zingzoi hmaisa uh. An lo bum ngah hnu cun kaih an har zet, an thuhla zingzoidan ding lamzin khal a mal. Curuangah fimkhur cio uh, kan theitawk in kan lo bawm tum ding” tin a tarlang.

Be the first to comment

Leave a Reply

Your email address will not be published.


*