Ramthlo Khua Kiang Doawknak Ah CDF-Matupi Pakhat Ih Nunnak Liam

Tuisun July 11, Falam-Hakha karlak Ramthlo khua kiang doawknak ah CDF-Matupi ralkap Salai Alawng ih nunnak a liam, mipi ralkap pakhat khal ralhrang pawl bomb puak ruangah hliamhma a tuar.

Ralhrang pawl cu hmailam pan thei lo le dunglam kir thei loin an um ih tuizan khal Ramthlo khua ah an riak. July 8 ihsin Falam-Hakha karlak doawknak ah a mal bik ralhrang 30 an thi ding, an ralthuam į¹­henkhat khal mipi ralkap pawlin an laksak.

Thudang: Kalaymyo Doawknak ah CDNF ralkap pakhat ih nunnak liam
Tuisun July 11, 2022 ah ralhrang le mipi ralkap tangtlang pawl cu Kalaymyo thlanglam, Hakhalay khua kiangah an kap aw. An doawknak ah CNDF ralkap pakhat ih nunnak a liam ih hliamtuar 3 an um.

Ram le miphun hrangih nunnak hlantu CDNF ralkap cu kum 37 mi a si ih fate 4 anei. Hliamtuar pakhat Ranger Kalay Defend Force ralkap cu a hliamhma a nasa tuk ruangah Emergency in an tuamhlawm rero lai.

Be the first to comment

Leave a Reply

Your email address will not be published.


*