Ramthlo Pastor In Bomb Pal Ngah Pang

Ramthlo Baptist Church ih pastor a simi Pastor Aung Shwe cun March 5 (tuzing) nazi 9:45 am hrawng ah leilung sung phummi bomb a pal ngah ih hliam a tuar tiah theih a si. Saya Aung Shwe cun Lo a fehnak ziin ah a pal ngahmi siih a kehlam kemit ihsin a bul cih tiah an sim.

Pastor Aung Shwe cun, “boruak a fai deuh laifang te ah Lo ih aa-lu ciin dingin a ci pawl ka ret tum lai ah hibangtuk in ka cangmi a si” tiah a sim. Saya Aung Shwe tei’ Lo cu Ramthlo le Dokțhek karlak lamzinpi saklam ah ummi a siih amah cun hliam tuar cingin bomnak ngah dingah phone thawn mi a ko hrihmi a si.

Falam ih Raltlan Bawmtu Bu (FTIMT) țuanvo nei pawl cu Dokțhek ih innkaang tuar pawl Falam ih hruai dingin an um laifang ciah a siih cutiin Saya Aung Shwe cu Falam siizungpi ah zamrangten an thlenpi lohli thei tiah an sim. Pastor Aung Shwe cu kum 48 mi a siih hmaizarh ih tuah dingmi FBA Triennial ah Reverend ngah thlang dingmi a si. (#Chinland Herald DAILY News)

Be the first to comment

Leave a Reply

Your email address will not be published.


*