Ramvahnak Ih A Hruai Ṭheumi A Uico Cu A Damlo Ih A Thi Zik Te, A Thih Hlanah Nuam A Ti Tuknak Tlang Parah A Kaipi Ta

Minung ih rualpi ṭhabik ramsa, rannung cu uico hi a si, minung pawl khalin an ngainat bik mi rannung a si. Carlos Fresco timi pacang in uico a vulh ih a hmin ah Monty tin a sak, kum 10 sung an umtlang zo ih an duhdawt aw zet.

Carlos Fresco in a ramvahnak ipiang ah a uico Monty cu a hruaitel ringring, Brecon tlang parah vei tampi an rak kai zo ih a uico cun nuam a ti tuk, cumi hnuah uico Monty cu Leukemia cancer in a damlo ih amahten a feh thei nawn lo.

Sibawi pawl khal an beidong zo ih a thih ding caan lawng an hngak, a pu Carlos Fresco in a uico cu a zangfah tuk ih a thih hlante ah an rak feh ṭheunak, nuam arak ti tuknak Brecon tlang par ahcun a fehpi sal.

Monty cu amahten a feh thei nawn lo ruangah a pu in norleng in a nor vivo ih tlangpar ahcun a kaipi, lamzin ih rak hmutu pawlin an thuhla an theih veten an lainat tuk ih an nor bawm.

Brecon tlangpar ahcun camkhat sung boruak thiang an va hop ih uico Monty khalin nuam a ti zet, cutin inn lamah an tlungsal ih June 21 ah Monty cu a natnak pawl tuar nawn loin a thi.

Carlos Fresco in “Kan lo theihhngilh nawn lo ding, reilote sung kan khawvel sungah na ra tlanlen ih, mi tampi hnenah hlimnak na pe. Monty cu ka ihkhun kiangte ah a thi, kum 10 a si. Father’s Day ni khalah in rak pom rero, tu’ahcun mual in liamsan zo” tin a tarlang.

Be the first to comment

Leave a Reply

Your email address will not be published.


*