Rang Pawngsualtu Cu Thawnginn Ihsin A Tlansuak

US, Colorado tlangval kum 25 mi Jonah Barrett-Lesko cu rang pawngsual thubuai orhter in June 17, 2021 ah police pawlin an kai, asinan camkhat sung bail suah lawk a si. Camkhat sung an suah zalen lawk ih, cumi sungah bicycles 6 a ru.

Cun, bazar ah sumpai pe loin thilri a tlansuahpi, park ih an ret mi motor khal a siahsuah ih motor sungih thilri pawl a ru. Mi inn a bauh ih thil a ru, thubuai tampi orhter in police pawlin an kaisal. La Plata County Jail thawnginn sungah an khum.

Thawnginn sung khalah um ṭha duh loin thawnginn phar a kaiso vivo ih a tlansuak nan peng hrek hrawng a tlan hnuah police pawlin an kaisal. Police hotu in,”Thawnginn phar par ih a kaiso lai video khal kan nei thluh, thawnginn leng a thleng veten a hnipuan pawl a hlit thluh ih bawngbite lawngin a tlan. Minute 26 hnuah kan kai ngah zo” a ti.

Thubuai tam zet an orhter hnuah thawnginn ihsin tlansuak thubuai an orhter sal ih ziangvek hremnak an pe ding ti cu an phuang ding lai.

Be the first to comment

Leave a Reply

Your email address will not be published.


*