Rapthlak Zetin ‘Vapual’ An Hrem Ih An That

Vapual cu an rinumnak ruangah an hminthang, leitlun ah vapual hmuh ding amal vivo ruangah that an siang lo ih an humhim.

Nagaland, Wokha district ah tualsung mi pathum in vapual an kai ih nasa zetin an hrem. Mi pahnih in a thla in an kai ih pakhat in rua in a vuak ciamco, an sit. An kiangkap ah midang in an rak zoh.

Hitin an hrem lai cu video in an zuk bet ih online parah an pholang, video zohtu pawl cu an riahsia zet. Pakhat in vapual ih hngawng ah napin a pal ih a thi.

Ramsa humhimtu pawlin an thuhla an theih veten an va zingzoi ih vapual thattu mi pathum cu an kai. Ṭuanvo neitu in, “Vapual thattu pathum cu kan kai ngah zo. Tlensuah siang an si lo ding” a ti.

Be the first to comment

Leave a Reply

Your email address will not be published.


*