Rawldawr Ah A Innsang Member (8) Hrang Ei Le In Ding A Cah Ih Amah Lawngin A Ei Ṭheu, A Kiangah Minung Um Vekin A Bia Rero

Malaysia putar hi a zangfah um zet. Zanriah ei dingin rawldawr ah ava feh ih a innsang member (8) hrang ei le in ding a cah hnuah amah lawngin a ei ṭheu. A rawlei laiah a kiangah minung um vekin a bia rero, a zoh phah.

Pacang Zayan in, “Zankhat cu kan innsang pawl thawn hotel ah zanriah kan va ei, kan kiangah putar amah lawng ih to ka hmu ih a kiangah rawl (7) aum nan minung cu an um lo. Kan ei pekte ahcun a innsang pawl a hngak lai a si ding ka ti, asinan rawl kan ei khoh zik khalah zohman an thleng lo ruangah ka mangbang tuk.

Ka nupi khalin arak zoh rero zo, midang khalin an theithiam. Hnaṭuantu hnenah ka sut ih zarhkhat ah vei 2-3 cu ara ringring ih minung (8) hrang rawl a cah ṭheu, asinan khitin amah lawngin a ei ringring. A ei thluh hnuah minung 8 hrang sumpai a pe, rawl 7 cu zohman in an tham dah lo ih kan lasal ṭheu.

A innsang pawl hi an thi thluh zo maw si ding kan thei lo’ a ti. Putar cu a rawlei laiah a kiangah minung um vekin a bia rero ih ka nupi in a zangfah tuk ruangah arak ṭap thei. Ka fale pawl khal an thinum a nuam lo zet” tin a tarlang. Putar cu thluak lam kim lo khal a si lo ding, a cangvaihdan cu a pangai zet.

Fala pakhat in a tokham pakhat a pah tlu pang ih thinheng loin tokham cu a kel ah a retsal, a ceiawk dan khal mi pangai in a ceiaw. Online mipi pawlin a sulhnu pawl theih an cak tuk an zingzoi rero, ṭhenkhat in a innsang pawl cu an thi thluh zo ih an thla thawn zanriah an kiltlang ṭheu si ding an ti. A innnsang pawl ih thuhla, a sulhnu hi an theifiang hrih lo ih media pawlin an zingzoi lai.

Be the first to comment

Leave a Reply

Your email address will not be published.


*