Rawlhmeh Hawl Tleirawl Cu Thlam Sungah Thicia In Hmuh A Si

February 19, 2022 ah Mizoram, Khawzawl khua kiang Khuailui ram, thlam sungah tleirawl kum 13 mi Catherine Thangbiksiami cu thicia in hmuh a si. A ni Chingsianzovi thawn rawlhmeh hawl in thlam ah an riak ih Catherine cu hridai thawn tawnbet in a thi, tualthattu ih an rinhlelmi a ni khal an kai.

An reldan in Catherine cu a pa in a thihsan zo, a nu cu Falam ah aum. Tu’ah Catherine cu a pi hnen, Khawzawl Zuchhip vengah aum. Mani ah a ni thawn rawlhmeh la dingin Khuailui ram ah an va feh ih zankhat riak dingin an poksuak.

Tuizing nazi 7:00 hrawngah a ni Chingsianzovi cu Tuisen rawn ih palik sakhan ah ava feh ih thilumdan cu hitin a sim, “Khawthim zawngah an riahnak thlam ah mipa 3 an ra ih Catherine cu in lonsak tum, mipa 2 in an hruai. An lakih pakhat cu a ri ih kan sualaw, a rit ruangah ka neh. A kut le ke ah ka tawnbet, a hngawng ah hnamhri in ka tawnbet.

Datmei vang in Catherine cu ka va hawl, ka au rero nan ka hmu lo, Zan nazi 1:00 hrawngah ka hmu lo ih ka beidong ruangah ka kirsal ih ka kaihmi khal arak um lai. Biak khal kan be’aw, ka ihnak kiangah nam le hreitlung ka ret ih ‘In tham ahcun lo that ding hi ka tih lo’ tin ka hro. Khua a vang tikah cun ‘Ra aw, lamzinpi ah ka lo hruai ding’ ka tiih arak thi zo” tin palik hnenah a sim thei.

Palik pawlin an umnak vengih VC le YMA pawl an theihter hngal ih, Catherine hawl tum le mipa ruak la dingin an riahnak thlam ah an va feh. Thlam sung ahcun Catherine ih ruak sawn an hmu, a ni in mipa a tawnbet dan a rel vek ciah in Catherine cu tawnbet a si. Mipa ruak la dingin an va feh cu Catherine ih ruak sawn an hmu, a ni in a rel vekin a kut le ke ah tawnbet a si. A ban le a hngawng khalah tawnbet a si, a ni Chingsianzovi hi a ri an ti.

Palik pawlin a ni Chingsianzovi cu an kai hngal, Catherine ih ruak cu YMA pawlin thiltulmi pawl an buaipi ih, Khawzawl siizung ah postmortem an tuah hnuah a ruak cu Champhai Bethel vengih um a pute tei inn ah an phur. An reldan in a ni in thing lak dingin a fial ih a lak mal deuh ruangah a thinheng in a soisa an ti. (#Mizo Special Report)

Be the first to comment

Leave a Reply

Your email address will not be published.


*