Riahsiat Um Tuk! Faphir A Hring Ih An Nu Fathum In An Thi, Innsang Pabik A Buai

Mandalay peng, Meiktila, Nantaw Kone veng sungih thilthleng hi a riahsiat um tuk. Vengsung ih um naupai pakhat cu Meikhtila People’s Hospital ah nau hring dingin an tlanpi ih an rak cohlang lo.

NayPyiTaw siizung lam ih feh dingin an rak khihhmuh. Innsang harsa zet an si ih an inn te ah nau a hring cu faphir a hring.

Asinan vanduai thlak zetin sibawi le tuamhlawmtu an um lo ruangah an nu fathum in an thi thluh tin August 26 sun ah Meikhtila News ah an tarlang. Mibawmtu pawlkom in Covid-19 an nei le nei lo an va zohdik ih an nei lo ti an hmusuak.

Faphir le hringtu nu an thih ruangah an tantami innsang pabik cu a buai, a khuaruahnak a dik nawn lo ih a aa deuh ruangah an sungkhat pawl cu an thinhar zet.

Be the first to comment

Leave a Reply

Your email address will not be published.


*