Rialti Hmun Thianfai Thlacamnak Tuah

Lungpi veng, Rialti hmun ih inn ur-khaang sak tuarnak cu November 6, (tuni) ah Rialti Baptist Church biakinn hmunțhing ah thlacamnak thawn thianfai an tuah tiah theih a si.

Falam Baptist Association zung le CCIT Bible tlawng țuanvo nei pawl le khuami pawl hmunkhat ten hmun thianfai thlacamnak an tuahmi a si. Rialti cu kan dung October 14, 2021 lai ah Kawl ralkap pawl in rak urkhaangmi a siih khuami tamsawn cu umnak nei loin atu ah Lailun IDPs Camp ah an beu rero laimi a si.

New Eden Baptist Area, Tlangkhan Baptist Church pastor Saya David Van Lal Lian in chairman a țuan ih Pu San Cin le Rev. No Tin Cuai te in thutawi an sim hnu Rev. Thang Za Khum in thuthangțha a sim ih Rev Dr A Thawng Hlei ih thluasuah peknak in caan an hmang tiah theih a si. Rialti hmun ah inn 13 a rak um nan inn 11 cu meisa ah a kaangral thluh tin Chinland Herald DAILY News ah an tarlang.

Be the first to comment

Leave a Reply

Your email address will not be published.


*