Rialti Khua Kiangih An Sarmi Mithi Ruak An Vuiliam

Rialti khua ih lamzin thlangah zobik tiih theih lomi ruak pakhat cu October 23 (tuni) ah an vuiliam zo. Falam COVID Volunteer pawl in Lungpi vengih nat zohfelnak an nei lai ah Rialti khua ih meisa kaang inn kiangah zobik tiih theih lomi ruak pakhat a um thu an thei ih Thlanrawn mino pawl thawn va sar in Lungpi Baptist Church pastor Saya David ih thlacamnak in an vuiliammi a si.

Ruak sarnak ih teltu Salai Nhgepi cun, “Mipa a si ti lawng simfiang a theih thlang, a hmel ah vun (skin) a um nawn loih a luu lam cu ruh lawng a taang zo. A rim khal a suak tuk zo ih a taksa ah tla pa-ngang (zang) nih an ei thluh tikah hminsinnak dang le theihthiam theinak dang kan hawl thei nawn lo” tiah a sim.

Mithi ruak cu lamzin thlanglam pi 10′ hrawng hlatnak hrambur lakah meisa kaang hmun zohtu Thlanrawn mino pawl in rimsia ruangah an hmu ih Falam Volunteer pawl hnen ah simtheihnak nei in an vuiliammi a si.

Cuih mithi ruak cu lehhnu ih sungkhat unau pawl in zobik a si timi an theih saal tikah a ruh-ro pawl țhawn saal thei dingin pengțhuam 144 KM kiangah an vui tiin Falam Volunteer pakhat in a sim thu Chinland Herald DAILY News thuthang sungah an tarlang.

Be the first to comment

Leave a Reply

Your email address will not be published.


*