Rickshaw Mawng Pacang In Mi A Bawm, Bawm A Ṭul Caan Ah Zohman In An Bawm Lo Ih An That

May 4, 2022 zinglam ah Yangon, Zeyar Thiri lamzin ah misual pawlin rickshaw mawng pacang an vel that. Misual pawl cu namtong, thingtan le hiamhrei an keng thluh ih minung 20 hrawng an si. A mizan May 3 ah lamzin ih feh fala pakhat cu suamhmang in a phone a lonsak, rickshaw mawng pacang in arak hmu ih fala cu a run hnuah suamhmang cu an kai.

Kiangkap um pawlin an bawm ih suamhmang cu an kai. A thaisun ah an kaihmi suamhmang ih rualpi pawlin kiangkap ih um mipi pawl cu an va soisa ih rickshaw mawng pacang cu an that, zohman in an bawm ngam lo.

Vengsung mi pakhat in, “Manisun ah phone ru suamhmang pakhat an kai, suamhmang kaihnak ah rickshaw mawng pacang khal a telve. Tuisun ah an ra hawl ih an that, rickshaw mawng pacang in midang a bawm ih amah bawm a ṭul caan ah zohman in an bawm lo.

Misual pawl cu hriamhrei an keng thluh ruangah mipi an ṭih ih an cangvai ngam lo, rickshaw mawng pacang an that hnuah lamzin kap ih um pakhat khal ‘hipa khal a telve’ an tiih ih a tlansuak man. Sim card zuar khal nam in an dawt ih an vel ciamco” a ti.

Rickshaw mawng pacang cu a nupi le fanau cawmtu a si, mi innluah ih khuasa an si. A nupi le a fanau cu cawmtu an nei nawn lo ruangah mangbang anhai in an um. Yangon ramsung ah suamhmang, rukru an tam zet ruangah mipi cu thlaphang in an um.

Be the first to comment

Leave a Reply

Your email address will not be published.


*