Rihkhawdar Ah An Kap Aw, Raltlan Pakhat A Thi

Chin State, Falam peng, India-Myanmar ramri ih um Rihkhawdar, ahmat (2) vengsung, Ṭio tipi kap ih um tlangpar ih umhmun khuar ralhrang le tualsung mipi ralkap pawl an kap aw.

August 10, 2022 zingpit nazi 5:00 ihsin an kap aw ih zinglam nazi 8 hrawng tiang an kap aw. An kahawknak ah kaphnih hliamtuar le mithi thuhla cu theih a si hrih lo. Rihkhawdar, ahmat (1) ih umhmun khuar ralhrang pawlin bomb in an kap bawm.

Ralhrang pawlin bomb an kap ciamco ih bomb pakhat cu khuasung ah a tla puak. Bomb puak ruangah Kalaymyo ihsin ra raltlan pakhat a thi ih mi 3 in hliamhma an tuar. Rihkhawdar, ahmat (2) vengsung ih um mipi pawl cu sahimnak hawl in India ram lamah an tlanlut. Ramri lilawn kiangih um pawl lawng an tang.

An kahawk hnu ah ralhrang doawknak vanzam cu Rihkhawdar khua parah a zankual rero. Tualsung mi pakhat in, “Zinglam nazi 9:00 hrawngah vei 4 a zam. Ahmaisabik ahcun sangpi ah a zam, neta ahcun niamtakten a zam. Mipi ralkap pawl ih umhmun khuarnak an hawl a si ding, vanzam par ihsin bomb thlak cu aum lo” a ti.

Be the first to comment

Leave a Reply

Your email address will not be published.


*