Rihkhawdar Ah Uico In Ralhrang Pawl A Bo Ciamco Ih An Kap That

Chin State, Falam peng, Rihkhawdar, ahmat (2) vengsung ah uico in ralhrang pawl a bo ciamco ih ralhrang pawlin uico cu an kap that. Tuizing March 6, 2022 zinglam nazi 10:00 hrawngah ralhrang 15 cu vengsung ah ke in an va lut, tualsung uico in arak ngaih lo ruangah a bo ciamco.

Ralhrang pawlin uico cu an kap that, vengsung mipi pawlin meithal puak thawmvang an theih ruangah an thlaphang tuk ih ṭhenkhat cu India ramsung ah an va tlanlut. Ralhrang pawl cu an fehnak lamtluan ah meithal an kap vivo.

March 5 zinglam nazi 5:00 hrawngah tualsung mipi humhimtu pawlin Rihkawdar ih umhmun khuar ralhrang pawl cu an va kap ciamco ih ralhrang 5 an thi. March 6 zing thotho ah Falam-Rih lamzin kap ih um inn pakhat cu zo ti theih lo pawlin an urkang.

March 5 zan nazi 8:00 hrawng khalah Falam khua sungih zu zuarnak inn pahnih le datsi zuarnak inn pakhat cu zo ti theih lo pawlin urkang an tum nan tualsung mipi pawlin kangmei cu an va mit man.

Be the first to comment

Leave a Reply

Your email address will not be published.


*