Rihkhawdar Ih Palik (6) Cu PDF-Zoland Ah An Tlanlut

India-Myanmar ramri Rihkhawdar palik sakhan ihsin palik (6) cu an tlansuak ih mipi humhimtu hnenah an tlanlut. Palik hotu pakhat a tel ih March 6 ah an tlansuak thu PDF-Zoland in March 13 ah an phuang. An lakah palik Khup Sawm Mung in meithal G-3 pakhat le cerek pawl a tlansuahpi ruangah PDF-Zoland in laksawng ah ting 50 an pe.

PDF-Zoland in, “March 6 ah kan hnenah CDM tuahnak hmin cazin an peaw, an tlansuah ni cu a bangaw lo. An remcang tikah anmahten an tlansuak cio ih kan va hmuak. An zaten Falam palik sakhan ih um an si ih helicopter in Rihkhawdar ah an phur.

An pule pawlin an sakhan sungah ‘CDM nan tuah asilen mipi humhimtu pawlin an lo hrem dingih an lo that ding’ tin thudiklo an rak sim ṭheu. An zaten Chinmi an si ih ralhrang pawlin mah le mah thatawk an fial vek a si” a ti. An hmin cu (1). Thian Biak Piang, (2). Lal Thian Thang, (3). Thang Cuan Mang, (4). Kam Deih Pau, (5). Thang Dim le (6). Khup Sawm Mung pawl an si.

Thudang: Rihkhawdar Ih Palik 4 Cu Mipi Humhimtu Hnenah An Tlanlut. A lungawi um zet. Rihkhawdar ih palik 4 cu meithal telloin mipi humhimtu hnenah an tlanlut, mah le mah kahawk kan duh lo an ti. February 26 ah Falam ihsin helicopter in an phur ih Rihkhawdar ah an kuat, Falam ihsin an poksuak tikah cun meithal an keng lo. Asinan, Rihkhawdar an thlen hnuah meithal an rak pe.

Chinmi an si ih an hmin cu Lal Tial Thang, Kam Deih Pau, Thang Cuan Mang le Tuan Pau Pian an si. ‘Mah le mah doawknak an duh lo ruangah khuasung ah thil tuah ding an fial laiah hnipuan pangai hruh in an tlansuak. Mipi humhimtu hnenah an um zo ih hmunhimnak ah an kuat, an innsang pawl khal hmunhimnak an thlenfel zo.

Be the first to comment

Leave a Reply

Your email address will not be published.


*