Rihkhawdar Ih Rukru Cu CNDF In An Kai

Rihkhawdar ah tualsung mipi humhimtu le ralhrang pawl an kahawk ruangah khuasung mipi pawl cu sahimnak hawlin India ramsung ah an va tlanlut. Cumi cu caanṭha ah rak la in rukru an um.

Tualsung mipi pawl ih theihternak vekin March 10 ah Salai Thian Nun Mang cu CNDF pawlin an kai. A rualpa Salai Lal Tha Zual thawn mi inn an bauh ih ar an that ih an suang, inn sungah zu an in.

Tualsung mi pakhat in, “Khuasung ah minung an um lo cu caanṭha ah an rak hmang ih inn 2 an bauh. Sangkate thlalang an sutkuai ih inn sungah an lut. Ar an that ih a sa an ei, innsung thilri bungrua pawl khal an siatsuat. Vengsung mipi pawl khalin an ar a hlo thu an rel cece” a ti.

A rualpa Salai Lal Tha Zual cu an kai ngah lo ih Mizoram sungah a tlan, Salai Thian Nun Mang cu CNDF in an kol lai.

Be the first to comment

Leave a Reply

Your email address will not be published.


*