RIP: Bike Accident In Salai Bawi Uk Thang In Mual In Liamsan, Ralkap Pawl Ruangah A Ruak An Tlunpi Thei Lo

Kum 27 mi Salai Bawi Uk Thang cu August 16, 2021 zanlam nazi 5:00 hrawngah aumnak Walet Myo ah bike accident in a thi. Tulai ralkap pawl an hrang deuhdeuh, Mandalay ramsung khal August 16 ihsin August 29 tiang cu zohman vahsuah an siang lo.

“A vaksuak pawl cu kan lo kai ding” tin thu an suah, zinglam nazi 9:00 ihsin zanlam nazi 3:00 tiang cu lengsuah an siang lo. Cuvek dinhmun a si ruangah Salai Bawi Uk Thang ih ruak cu an khua Valung ah an tlunpi thei lo.

Falam Covid Response Team, Mandalay in “Zualko: Salai Bawi Uk Thang (27) cun ni (16.8.2021) zanlam nazi panga hrawngah a umnak (ဝက်လက်မြို့) ah Bike Accident nak ruangah in thihsan a si. Salai Bawi Uk Thang hi U Sai Tin Khuai ih Fapa Valung khaw mi a si. Amah hi မီးသတ် (တပ်ကြပ်) hnatuan rero lai a si.

Salai Bawi Uk Thang ih ruang hi laitlang an khua ih phurh tlunpi dingin FCTM cun kan buaipi rero nain mithi phurtu Motor Mandalay khaw pumpi san ding hawl in kan sut ih kan tawn thei lo ruangah a umnak hmun (ဝက်လက်မြို.) ah in phum sak ding maw, in ur sak ding ti thei loin FCRTM cun mithli thawn kan thlir a si.

Kawl le Vai lak ih kan Falam mi siat kan tawn tik ih phur aw thei lo le phum aw thei lo ih kan um hi cu tuar thiam a har tuk rori ko ee. Salai Bawi Uk Thang ih ruang phur dingah FCRTM cun Motor mawng tu ding le thlun tu ding tiangin kan timtuah aw thluh zo nan kan mah in Ambulance kan neih thei hrih lo ruangah zianghman kan ti thei lo a si.

Kan mi le sa Mandalay ih siat a tawng mi pawl FCRTM in kan lo bawm theinak dingah Ambulance nei thei dingin thla in campi hram uh. Salai Bawi Uk Thang in ngaithiam hram aw… sunglawi zetin nan runinn pi ah FCRTM in lo thlenpi kan duh tuk nan sokhaw…” tin an tarlang.

Be the first to comment

Leave a Reply

Your email address will not be published.


*