RIP: CNLD Chairman Pu Thang Lian Khup In Mual In Liamsan

Covid-19 natsia in ziangvek minung khal a thleihrang lo ih a hmuhhmuh cu a hmetthat vivo ruangah a ṭihnung tuk.

Tuizing July 2 zinglam nazi 8:30 ah CNLD chairman Pu Thang Lian Khup in mual in liamsan thu theih a si. Pu Thang Lian Khup cu Tedim peng sungih CNLD chairman ṭuanlai a si.

July 1 khalah CNLD hruaitu upa Pu Hniar Kham in mual in rak liamsan zo, Pu Hniar Kham cu Chinram, Gangaw ramsung ih hruaitu upa a si.

Salai Ceu Bik Thawng in “Riahsiatza, mitu arei hlante nazi 8:30 ah Tedim ramsung ih CNLD Chairman Pu Thang Lian Khup in in thihsan. Mani zanlam nazi 4:00 hrawngah Falam ih ka unau Pu Val Cung in mual in liamsan.

Mani ah Gangaw ih um Pu Hniar Kham (Chin Party ih hruaitu pakhat, ka hnaṭuanpi) in in cemsan zo. Uico ralkap le Covid-19 ruangah nitinten mithi thuhla theih ding aum ringring cu a riahsiat um tuk” tin a facebook cahmai ah a tarlang.

Be the first to comment

Leave a Reply

Your email address will not be published.


*