RIP: Kachin Ralkap KIA Ralbawi An Vuiliam

Kachin ralkap KIA ralbawi JUMZANG Lum Dau cu a taksa damlonak ruangah May 20 ah a thi ih tuisun May 22 ah hlunghlai zetin an thlahliam.

JUMZANG Lum Dau cu mifim, raldo thiam zet a si ih 1962 kum ihsin KIA ah a lut zo. Caan reipi sung KIA 4th Brigade ah commander arak ṭuan.

KIO Central Committee member a si ih KIA upa pakhat a si. Southern lam ih Kachin Independence Army (KIA) pawl hotu lubik khal a si, Myanmar ramsung ih mahten ukawknak ngahtu WA ramsung ih an rinsanmi KIO palai pakhat khal a si.

A harhdamnak a ṭha lo ruangah a tlung ih Laiza Central People’s Hospital ah an tuamhlawm rero nan ṭhah lo a pan thei lo ih May 20 ah a thi. Manawkwin, Laiza khua ih an umnak inn ah a ruang cu KIA ralkap le Kachin mipi pawlin hlunghlai zetin an vuiliam.

Be the first to comment

Leave a Reply

Your email address will not be published.


*