RIP: Kalaymyo CDM Tuah Police Bawi Cu Doawknak Tualrawn Ah Mual A Liam

Kalaymyo ramsung ih CDM tuah police bawi Hla Myo Htut cu CDM tuah lawng duh tawk loin PDF ah a lut ih doawknak tualrawn ah a nunnak a liam thu theih a si. CDM a tuahnak hi a rei tuk zo, PDF cangvaihnak a tel ṭheu.

Hla Myo Htut cu mifim le cathiam a si ruangah Kalaymyo University Students Union ah chairman arak ṭuan zo, tlawngta pawl hohadan khal a thiam zet.

Min Aung Hlaing in Myanmar ramsung thuneihnak a lak ruangah a kuthnuai ah hna a ṭuan duh nawn lo ih CDM a tuah, cutin PDF ah a lut ih thuneihnak latu ralkap pawl a do ṭheu.

Ralkap pawlin khua an urkannak Minkin khua kiang doawknak ah a tel ih ram le miphun hrangah a nunnak a hlan thu Myanmar Police CDM Channel ah an tarlang.

Be the first to comment

Leave a Reply

Your email address will not be published.


*