RIP: Nauhak Kum 9 Mi Tili Ah Tla That

Mizoram, Serchhip Venglai ih um nauhak kum 9 mi Esther Lalrawngbawli cu an inn saklam ih um tili ah a tla that. New Serchhip Venglai le Khawtetlang karlak ih Tlangpui tiva sirhsan in Laltlanmawia tei in nga vulhnak tili an tuah.

An nga vulhnak tili ah nauhak pawl dai an bual ṭheu ruangah an rak kawk ṭheu. June 18 sunah Esther Lalrawngbawli le a rualnu kum 5 mi cu takkolh dingin an feh, an thlanglam ih nga vulhnak neitu in tili sungah nauhak ra langsuak a hmu ih midang kokhawm in an lasuak hnuah siizung ah an tlanpi.

Nauhak kum 5 mi an laksuah hnuah tili kiangah kedam khatlam lawng an hmu bet ih midang an um lai ding ti an zum ruangah tisung ah an va hawlsal. An hawlsal tikah nauhak kum 9 mi Esther Lalrawngbawli ih ruang an hmusuak ih arak thi zo.

An laksuahmi hmaisa nauhak kum 5 mi cu a zanlam ah a harhsuak ih a dinhmun cu a ṭha. Himi tili cu ft. 5 hrawngih thuk a si ih tulai ruah a sur ṭheu ruangah tidai cu a thangso, Esther le a rualnu hi tileuh thiam lo veve an si.

Be the first to comment

Leave a Reply

Your email address will not be published.


*