RIP: Nikhat Ah An Nupa In An Thi, An Nu Cu Naupai Lai A Si

Covid-19 natsia in Kalaymyo kiangkap a nuai ciamco ih innsang tin ah mitthli tlaknak a thleng. Nikhat ah nupa rori in an thi cu an tantami fanau, innsang hrangah tuarthiam ci a si lo.

June 22 sunah Aungyua khua ih um Nu Sui Nei Thluai (kum 38) a thi ih, cumi hnu reilote ah a pasal Pa Khup Lan Mang (kum 40) khal a thi ve.

Nu Sui Nei Thluai cu naupai lai a si ih a pum sungih naute thawn an thitlang. Nu Sui Nei Thluai le Pa Khup Lan Mang in fate 5 an nei zo ih catuan ram an fehsan.

“Nikhat sungah an rianmi Cung Pathian țaangsungah an nupa in hnangamten an cawl. Nan nupa te in nan nih cu nuam takin vanram ah nan um, nan fale pawl nan ruat lo, kan tuar thei lo, ka ruat ngam lo. Mangṭha uh maw! Lian pi nu lian pi pa” tin anmah duhdawttu an sungkhat pakhat in a tarlang.

June 22 sun thotho ah Pastor Rev.Thian Khaw Tiam (Kum 81) le a innsang nu Pi Num Zam (kum 72) in mual in liamsan.

Be the first to comment

Leave a Reply

Your email address will not be published.


*