RIP: Pu Bu Thang Tei Inn A Kang Ih Minung 3 An Thi

Chinram, Kanpetlet Peng, Khuailungta khua ih um Pu Bu Thang tei inn a kang ih an thilri khal lasuak man loin an kangral thluh.

August 9, 2021 zan nazi 2:30 hrawng, an itthat thaw laitak ah a kang ih Pu Bu Thang le a tule 2 cu meisa sungah an kang that. Ziangtin kangmei a suak ti cu an thei hrih lo.

Kanpetlet Peng ih Red Cross pawlkom in an tantami innsang pawl hnenah fangfai dipkhat, blankets 4, ruah donak muka kor 5, ha thuahsi hathuahfung le sumpai Ks.100,000 pawl bawmnak an va pe.

Thudang: Tuisun ah Kanpetlet ramsung ah Covid-19 positive 3 an hmu. Tuisun August 9, 2021 ah minung 9 an check-up ih minung 3 in Covid-19 nathrik an nei.

Tuisun tiang ah Kanpetlet ramsung ah Covid-19 nat nei 58 an um zo ih 30 cu an dam ṭhasal. Nathrik nei minung 28 cu an tuamhlawm rero lai. Manisun August 8 ihsin Kanpetlet ramsung ah Covid-19 khamsii an dawt thok ih tuisun khalah an dawtaw rero lai. (Zalen)

Be the first to comment

Leave a Reply

Your email address will not be published.


*