RIP: Ramthlo Khua AG Pastor Nathrik In Mual A Liam

Falam peng Ramthlo khuami, Ramthlo AG Pastor ṭuanlai Pastor Piang Bik cu tulai nat Covid-19 in in cemsan thu theih a si.

A damlonak khal a rei hrih lo, a nat zual deuh ruangah mizan ah Hakha siizung ah an tlanpi ih June 12 zinglam nazi 4:00 ah a rinsanmi Pathian tang sungah a cawl hahdam lanta.

Pastor Piang Bik hi rawngbawlnak ih an rinsanmi pakhat a si, khua le ram, mino le nunphung calai lam khalah nasa zetin hna a ṭuan zo. Rev. Piang Bik in a nupi, fanu 2 le fapa 3 a fehsan.

Khuami pakhat in “Zarhkhat lenglo hrawng lawng a dam lo, June 11 zanlam ah Hakha siizung ah an fehpi ih zinglam ah a thaw cem. A ruang cu inn ah tuamhlawm loin thlan ah an vuiliam” a ti.

A tantami a kawhhran le innsang pawl Cung Pathian in thlamuan hram seh. Tulai Chinram, Lairawn ah Covid-19 nat a tam tuk ih damlo le mithi khal nitinten theih ding an um ringring. June 12, 10:00 AM tiangah, Chinram sungah Covid-19 natnei minung 481 an um ih damlo 13 an thi zo.

Be the first to comment

Leave a Reply

Your email address will not be published.


*