RIP: Siizung Ihsin A Tlunglam Ah Lungto In A Tlak That

Mizoram, Aizawl Falkland Veng ih um tlangval kum 38 mi Jonathan C.Lalruatfela cu July 1 zanah Durtlang Hospital ah a nau damlo a umpi.

Zan nazi 10:30 hrawngah bike thawn a tlung cu saklam ihsin lungto tla in a nen ngah. Lungto cu a tum zet ih kiangkap um pawlin Durtlang Synod Hospital an tlanpi laiah a hliamhma tuar loin lamlak ah a thi.

Lung in a tlaknak ruangah a tai hnuailam cu a sia nasa, a lu lam cu a him. A ruang hi post-mortem an tuah dingih tuisun July 2 nazi 11:00 ah an vuiliam ding.

Jonathan C. Lalruatfela ih pa Rev. C. Lalsangliana cu Synod Moderator rak ṭuan zo a si ih pastor fel le rinsan um zet a si. Mual liamtu Jonathan C. Lalruatfela hi Fire & Emergency Services department ah Fireman ṭuanlai a si, Hqrs. ah computer lam hnaṭuantu bik khal a si. (#Mizo Special Report)

Be the first to comment

Leave a Reply

Your email address will not be published.


*