Rohingya Solidarity Organization (RSO) In Ralkap Pawl An Do Thlang Ding Thu An Phuang

Myanmar ramsung thuneihnak la ih mipi pawl that rero tu ralkap cu Rohingya Solidarity Organization (RSO) pawlin kan do thlang ding tin June 14, 2021 sunah an phuang.

Myanmar mipi cozah NUG khalin ‘Ralkap pawl donak ah ra telve uh’ tin an rak sawm zo ih rammi sinak pek khal an tiamkam.

Ralbawi Maj. Kyaw Myint Tun in “Rohingya mipi pawlin kan covo ngahnak dingin nunnak thap in ral kan do ding, doawknak kan thok zo ih a cem lohli nawn lo ding. Tu’ah ramlak le khuasung ah doawknak a thleng rero lai, ralkap dotu ding pawlkom dang an um sal a si ahcun ziangvek dinhmun kan thleng ding ti cu a theihtheih…” a ti.

Myanmar mipi khalin “Ziangvek miphun khal sisehla ralkap pawl dotu cu kan lo hmuak a si. Miphun sakhua thleidang loin kan tumram cu a bangaw thluh” an ti.

Rohingya Solidarity Organization (RSO) cu 1982 kum ih rak din mi pawlkom a si ih an ralṭha zet, ralkap in an rak dawisuak hnuah Pakistan ram lamah umhmun khuar in traning an kai ih thihchilh ngam ih raldo pawl an si.

Be the first to comment

Leave a Reply

Your email address will not be published.


*