Rohingya Thuhla Ah Rakhine Hriamkai An Lungawi Lo, ‘NUG In A Dai Cuahco Mi Thubuai An Tokbuai Sal’ A Ti

Myanmar mipi cozah NUG in Rohingya raltlan pawl ko tlungsal a tum ih rammi sinak pe dingin a tiamkam, cun ralkap cozah dotlang dingin a sawm cu Rakhine hriamkai The Arakan State Liberation Party (ALP) pawlin an lungkim lo thu an relsuak.

“Ziangvek thil an tuah tum ih Rakhine mipi hruaitu pawl thu in ron lo asikhallen an thu, net hnu buainak an tong tik khalah an ṭuanvo a si. 2008 Daanhrampi an thialbal asilen kannih thawn a saiaw lo, kan hna a si lo.

Asinan Rohingya thuhla an buaipi tum a si ahcun Rakhine hruaitu pawl, Rakhine hriamkai pawl le Rakhine CSO pawl thawn thu nan reltlang hmaisa a ṭul ding.

Rakhine ramsung ih buainak cu Rakhine ih lungkimnak tello in ziangvek pawlkom khalin nan ra buaipi thei lo, kan cohlang lo” tin ALP thuphuangtu Lt. Col. Khaing Kyaw Hlaing in RFA thuthang hnenah a sim.

“NUG ih cangvaih tumdan cu a dai cuahco mi thubuai pawl an tokbuai sal” tin a soisel. 2017 kum ah Myanmar ralkap pawlin Rohingya miphun cu ti cimit an rak tum ih Rohingya 740,000 cu Bangladesh ramsung ah an tlan.

Rakhine ramsung ah Rohingya miphun 600,000 hrawng an um lai nan rammi sinak an nei lo, cun an umnak cu phitsak thluh a si ih harhdamnak hnaṭuantu pawl khal an va luttlang thei lo. Rakhine hriamkai ALP pawl cu October 15, 2015 ah kahcawlhnak NCA hmin an rak khen, ralkap in thuneihnak an lak hnuah ralkap pawl thawn NayPyiTaw ah meeting an neitlang zo.

Be the first to comment

Leave a Reply

Your email address will not be published.


*