Ronaldo In ‘Coca-Cola Aiin Tidai In A Ṭha Sawn’ A Ti Hnu Ihsin Coca-Cola Company Sipuaizi A Tlaniam Ṭhutṭhi

Milar pawl ih ṭongkam le cangvaihdan cu leitlun mipi in an rak thlir ringring ih an rak copy ṭheu. Milar ṭongkam khat cu minung a thawngtel ih auaw hnakin a ring sawn an rak ti.

Curuangah company tam zetin an thilri bungrua pawl cawngia dingin milar pawl an sawm ṭheu. UEFA EURO 2020 cu buainak phunphun ruangah 2020 ah an rak lek thei lo ih tu’ah an lek rero lai.

UEFA EURO sponsor-tu lakah Coca-Cola company khal an telve, Coca-Cola cawngia an duh ruangah UEFA EURO cu an sponsor ih a remcan tiktikah an rak therlut aw ṭheu. Press Conference an tuah tinten an Coca-Cola palang cu an rak langter ve ṭheu.

Asinan Cristiano Ronaldo hmai ih an ret cu arak ngaina lo tuk ih hmundang ah a thawn hnuah tidai bur a la ih “Coca-Cola aiin tidai in a ṭha sawn” a ti. Cumi hnu ihsin mipi in Coca-Cola in cu an haheu nawn lo thluh ih an sipuaizi cu $4.1 billion rori in a tlaniam thutthi.

Be the first to comment

Leave a Reply

Your email address will not be published.


*