Rosum Ruangah Thailand Nu In A Pasal That Dingin Mi A Ruai

Thailand, Nakhon Sawan ih um kum 48 mi Pratheep in a pasal Pia cu ro sumpai ruangah that dingin a tawlrel. A pasal Pia thawn fa pahnih an nei zo, an nupa karlak ah buainak a thleng ṭheu.

Pratheep in ṭhenaw dingin le ro sumpai zemaw dingin a ti nan a pasal Pia in a duh lo. Curuangah Pratheep in a rualpi Jaemchan cu a pasal that dingin a fial, a pasal an that hnuah 10 million zemaw dingin an lungkim.

A pasal cu bike a mawng laiah Jaemchan in motor in napin ava pah, cansualnak ih thilthleng vekin lem an cang. Vanṭhanak ah Pia cu a thi lo nan hliamhma nazet a tuar.

Palik pawl khalin cansualnak ih thilthleng pang ah an ruat lawk, asinan thilumdan an zingzoi vivo hnuah accident cang dingih tawlreltu cu a nupi ti an theisuak ih an kai, a rualpi Jaemchan khal palik pawlin an kai ih hremnak pe dingin thawnginn sungah an khum lai.

Be the first to comment

Leave a Reply

Your email address will not be published.


*