Rualpi Mualpho Lo Dingih Cangvaitu

“Ruah mal tete a sur sekso. Tlawng an bang ih ka hmaiah tlawngta nauhak phun 9 maw phun 10 nauhak pawl an feh. An lakih pakhat in, “Ka kedam a siat” a tiih a kiangih um pakhat in, “Khui, ka lo tuahsak ding” tin kedam sia cu a la.

A tuah ṭha thei lo ruangah, “Kedam cu bun lo mai aw. Ruah a sur lai ih zohman in na kedam a sia ti an thei cuang lo ding, ruahsur lakah kedam bun duh lo ah an lo ruat sawn ding” a ti.

A kiangih thawngkhum pakhat in, “Kan zaten kedam hi bun lo kung. Kan zaten kedam kan bun lo asilen zohman in a kedam sia ruangah a bun lo ti an theithiam lo ding. Ruahsur ruangah kan zaten kedam bun lo ah an ruat sawn ding” a tiih an hni vualvo phah in an kedam ciar cu an keng.

Lungawi aipuang zetin innlam an pan lai ka hmu cu thu tampi in ruatter ruangah an dunglam ihsin a thupten ka rak zuk. Ummm… Tulai ah rualpi mualpho ding siang lo ih cangvaitu mino pawl an rak um lai ka hmu cu thazang ka ngah tuk.

In dotu, in relsiatu pawl cu midang an si lo, kan kiang naivai ih um pawl an si an timi thu cu himi tleirawl pawl lakah a tlangleng ve lo. Na rualpi, na kiang naivia ih um pawl hi humhim aw. Hmunhlapi ih um pawl na bawm thei lo asikhallen na kiang naivai ih um pawl tal bawm tum aw”.

Be the first to comment

Leave a Reply

Your email address will not be published.


*