Rukru An Kai, Mipi In “Zangfak Um In, Ngaithiam Men Uh” An Ti

Rukru cu thiltha lo a si, asinan thenkhat cu an dinhmun in a pek lo ruangah thilruk duh lo zet khalsehla thilruk duhnak thinluang an neih phah. Covid-19 in Malaysia ram cu a nuai ciamco ih mipi khal an harsa zet, thinhar beidong ruangih thataw khal an um zo.

September 11 sun ah Malaysia pacang kum 24 mi cu Sarawak, Miri Times Square sungah ava lut ih naute cawhnawi bur 3 a ru. Maket sungah cun thitha zetzet aum nan zianghman a la lo ih baby formula milk bur 3 a lak hnuah a tlansuak, thil a ruk lai cu CCTV in arak zuk ngah thluh.

Cutin, vengsung police pawlin an kai hngal ih rukru thubuai orhter a si. Amah hi nupi nei lai a si ih naute an nei pekte, a thuhla cu onine sungah an thlah ih mipi in “Zangfak um in, ngaithiam men uh” an ti.

Thenkhat in, “Dawr neitu sisehla cun ka ngaithiam men ding. Thilruk cu a tha lo, asinan thildang zianghman a ru lo ih naute in ding cawhnawi lawng a ru. cawhnawi ru ti cu an tulhai tuk ruangah a si ding” an ti. Polce pawlin ziangvak hremnak an pe ding ti cu theih a si hrih lo.

Be the first to comment

Leave a Reply

Your email address will not be published.


*