Rukru Danglam! Mi Inn Sungah A Lut Thup Ih An Itthat Lai A Zoh Ringring, Thil A Ru Lo

US, Maine tipikap khua ah rukru danglam zet aum. 2005 kum ihsin himi rukru hi a cangvai zo, zanṭim laiah mi inn a bauh ih a lut thup. An ihkhun kiangah a dingih an itthat lai cu a zoh ringring, ṭhenkhat cu an thangharh thutthi ih anmah rak zoh ringringtu cu an hmu ih an lau tuk.

An thangharh veten a tlansuak hngal, an kai ngah thei lo. Pacang pakhat in, “Mi ṭhenkhat cu an thangharh ih anmah rak zoh ringringtu an hmu, a hmel hi an hmuhfiah thei lo. An dum nan an kai ngah thei lo. Tualsung mipi pawl cu an thlaphang tuk, mit khatlam lawng sing in kan itthat a ṭul” a ti.

Rukru danglam zet cu a caan len a reh lawk, tuikum thok lamah a cangvai sal. Tualsung mipi pawlin rinhlel mi an nei nan palik pawlin an kai ngah hrih lo.

Khuami pakhat in, “Mino te ding a bang. Mi innsung ah a lut thup ih an itthat lai a zoh ringring. Innsung thilri zianghman a siatsuah lo, thil a ru lo nan an itthat lai lawng a zoh ṭheu” a ti.

An vengsung cu palik pawlin an kil thepthep ruangah tulai ah a rehsal, zandang ah a cangvai sal ding ti an phang zet. Tualsung mipi pawlin a hmelfang umdan cu palik hnenah an sim thei ih zuk ih kan hmuhmi vekin an suai ih ‘Cape Intruder’ tin an ko.

Be the first to comment

Leave a Reply

Your email address will not be published.


*