Rukru In An Inn A Bauh Ih Ca A Tan “In Ngaithiam Uh, Ka Rualpa Nunnak Ka Run A Ṭul Ruangah Nan Thil Ka Ru” Tin A Ngan

“Thinlung ṭha ih sual ṭuah” an rak ti vekin rukru pakhat cu a cangvai. Madhya Pradesh, Bhind khawpi ih um police inn ah rukru a lut ih an sui le ngun pawl a ruksak.

Inn neitu police cu Chhattisgarh ah hnaṭuan in aum, June 30 ah inn ih um a nupi le fanau pawl cu khua dangah an va tlawng. July 5 zanah an tlungsal ih an inn sangka tawh a siat ti an hmu.

Innsung ah an lut ih an thilri bungrua pawl khal arak darh zelzel. Cun, an ret ṭha mi sui le ngun a hlo ti an thei ih an cabuai parah cahnah an hmu, cui ca cu rukru ih rak tan mi a si.

Rukru in “In ngaithiam uh. Ka tuah tengteng a ṭul, ka tuah lo asilen ka rualpa a thi ding. Lungphang hlah uh, sumpai ka neih veten ka lo pesal ding” tin a ngan. Inn neitu police in rukru cu anmah theitu, an sungkhat naivai tla a si thei a ti. Innbauh thubuai an thehlut ih rukru cu an hawl rero lai.

Be the first to comment

Leave a Reply

Your email address will not be published.


*