Rukru In Thil A Ruk Hnuah Christmas Tree A Tuahsak Ta

Christmas a nai thlang ih biakinn le inn pawl cu an ceimawi rero lai. Tuiṭum ih rukru cu Christmas tree a lawm zet ding ti a zum. Nuthlawi Shayna Rice in inn pahnih anei ih a inn pakhat sawn ah aum dah lo, a umlonak hi zarhnih a kim zo.

A umlo sungah rukru arak lutthup ih innsung ih thilṭha pawl a ruksak, cun an thil retthanak khan sungah a lut ih thilri bungrua pawl cu a hailet thluh. Shayna Rice cu a inn ah ava feh ih an thil retṭhanak khan sungih thilri darh zialzial pawl a hmu cu a mangbang tuk.

A umlo sungah a pasal hlun arak lut si ding tin avung phone ih a pasal hlun in an ṭhenawk hnu ihsin an inn ah a feh nawn lo thu arak sim thei. Kiangkap um pawl a sut ih zohman lutsuak an hmu lo thu an sim.

Cutin an innsung ah rukru a lut ti a thei ih a thilri hlo khal aum, asinan inn sungah Christmas Tree cu mawi zetin rukru in arak ret sak. Christmas Tree cu an thil retṭhanak khan (storage) sung ta a si ih rukru in thilruk ding a hawl rero laiah a hmu ih innsung khan ah ṭhaten arak retsak ta.

Be the first to comment

Leave a Reply

Your email address will not be published.


*