Rukru In Thir Lilawn Sau Zet An Ru

India, Bihar’s Rohtas district sungih um thir lilawn cu rukru in an thiarfai thluh. Lilawn hi feet 60 ih sau a si. 500-ton ih rih a si ih thir ih tuahmi lilawnpi a si.

Rukru pawlin kiangkap khuasung mipi pawl an bum hmaisa, cozah theihpinak ih hnaṭuan vekin an bum ih lilawn cu an at ciamco. Ni 3 sung rori lilawn hi an buaipi hnuah motor in an phur ih an tlanhlo.

Neta ah cozah theihpinak ih hnaṭuan an si lo ti an thei ih lilawn hlo thubuai an thehlut. Palik pawlin rukru pawl cu kai dingin an hawl rero lai.

Himi lilawn cu kum 45 ih upa a si, 1972 kum ah lilawn hi an rak tuah. Tulai ah himi lilawn hi hman a ṭihnung an ti ruangah tualsung mipi pawlin an hmang nawn lo, a kiangah lilawn fate an don ih an hmang.

Be the first to comment

Leave a Reply

Your email address will not be published.


*