Rul In Minung A Cuk, Minung In A Keu Ve. Rul A Thi

India, Odisha’s Jajpur district ih um pacang pakhat cu khuathim hnuah a hnaṭuannak ihsin a tlung. Ke in a tlung ih lamzin ah rul in a ke ah a cuk thuptthi.

Datmei thawn a et ih rul tur nei pawl ti a thei, a thinheng tuk ruangah a kai ih a keu ciamco hnuah rul cu a thi. A rul thi cu a tlun ih an khua mipi pawl a hmuh ih a suangaw zet.

An khua mipi pawlin rul tur nei pawl a si ruangah siizung ah piahaw lohli dingin an fial nan a duh lo. Hlanlai ih an tuamhlawm awkdan vekin a tuamhlawmaw ih a dam ṭhasal.

Kum 45 mi Kishore Badra in “Mizan inn lam ka tlung laiah thil pakhat in ka ke ah in cuk, datmei thawn ka et ih rul tur nei pawl arak si. Phuba laknak ah ka keu ciamco ih a thi cih” a ti.

2019 July thla khalah putar kum 60 mi in rul tur nei pawl a keu that zo, rul cu a kai ih rul in a kut le a hmaiah a cuk hmaisa. Cutin a thinheng tuk ruangah a keu that ve, asinan putar kum 60 mi ih taksa sungah rul tur a darh ciamco ruangah a thih phah.

Be the first to comment

Leave a Reply

Your email address will not be published.


*